77. अल् मुर्सलात - ٱلْمُرْسَلَات
अल्लाहच्या नावाने जो असीम दयावंत व परम कृपावंत आहे
- शपथ आहे त्या वार्‍यांची जे लागोपाठ पाठविले जातात,
- मग तुफान वेगाने वाहतात
- आणि (मेघांना) उचलून पसरवितात.
- मग (त्यांना) फाडून विभक्त करतात.
- मग (मनात ईश्वराची) आठवण निर्माण करतात,
- कारण म्हणून अथवा भीती म्हणून,
- ज्या गोष्टीचे तुम्हाला वचन दिले जात आहे ती जरूर घडणार आहे.
- मग जेव्हा नक्षत्रे निस्तेज बनतील
- आणि आकाश फाडून टाकले जाईल
- आणि पर्वत पिजून काढली जातील
- आणि प्रेषितांच्या हजेरीची वेळ येऊन ठेपेल.
- (त्या दिवशी ती गोष्ट घडेल.) कोणत्या दिवसासाठी हे काम तहकूब ठेवले गेले आहे?
- निर्णयाच्या दिवसासाठी.
- आणि तुम्हाला काय कल्पना की तो निर्णयाचा दिवस काय आहे?
- विनाश आहे त्या दिवशी खोटे ठरविणार्‍यांसाठी.
- काय आम्ही या आधीच्यांना नष्ट केले नाही.
- मग त्यांच्याच पाठीमागे नंतर त्यांना चालते करू.
- अपराध्यांशी आम्ही असेच काही करीत असतो.
- विनाश आहे त्या दिवशी खोटे ठरविणार्‍यांसाठी.
- काय आम्ही एका तुच्छ द्रवाने तुम्हाला निर्माण केले नाही?
- त्याला एका सुरक्षित जागी थांबवून ठेवले?
- आणि एका ठराविक कालावधीपर्यंत
- तर पहा आम्ही याला समर्थ होतो, अशाप्रकारे आम्ही फार चांगले सामर्थ्य बाळगणारे आहोत.
- विनाश आहे त्या दिवशी खोटे ठरविणार्‍यांसाठी.
- काय आम्ही पृथ्वीला आवरून धरणारी बनविली नाही,
- जीवितांसाठीही आणि मृतांसाठीदेखील,
- आणि तिच्यात उंचउंच पर्वते रोविली आणि तुम्हाला गोड पाणी पाजले?
- विनाश आहे त्या दिवशी खोटे ठरविणार्‍यांसाठी.
- चला आता या गोष्टीकडे जिला तुम्ही खोटे ठरवीत होतात.
- चला त्या सावलीकडे जिथे तीन भाग आहेत.
- न गारवा पोहचविणारी न अग्नीज्वालापासून वाचविणारी,
- तो अग्नी महालासमान मोठमोठाल्या ठिणग्या फेकील,
- (ज्या उसळताना अशा वाटतील) जणू त्या पिवळे उंट असावेत,
- विनाश आहे त्या दिवशी खोटे ठरविणार्‍यांसाठी.
- हा तो दिवस आहे ज्यात ते न काही बोलणार
- आणि न त्यांना संधी दिली जाणार की काही निमित्त पुढे करावे.
- विनाश आहे त्या दिवशी खोटे ठरविणार्‍यांसाठी.
- हा निर्णयाचा दिवस आहे. आम्ही तुम्हाला आणि तुमच्या पूर्वी होऊन गेलेल्या लोकांना एकत्र केलेले आहे.
- आता जर माझ्याविरूद्ध तुम्ही एखादे कारस्थान करू शकत असाल तर करून पहा.
- विनाश आहे त्या दिवशी. खोटे ठरविणार्‍यांसाठी.
- ईशपरायण लोक आज सावली आणि झर्‍याच्या सान्निध्यात आहेत.
- आणि जी फळे ते इच्छितील (त्यांच्यासाठी) हजर आहेत.
- खा आणि प्या मजेने आपल्या त्या कृत्यांच्या मोबदल्यात जी तुम्ही करीत राहिला आहात.
- आम्ही सदाचारी लोकांना असाच मोबदला देत असतो.
- विनाश आहे त्या दिवशी खोटे ठरविणार्‍यांसाठी.
- खाऊन घ्या आणि मौज करून घ्या थोडे दिवस. वस्तुतः तुम्ही लोक अपराधी आहात.
- विनाश आहे त्या दिवशी खोटे ठरविणार्‍यांसाठी.
- जेव्हा त्यांना सांगितले जाते की, अल्लाहपुढे झुका तर झुकत नाहीत.
- विनाश आहे त्या दिवशी खोटे ठरविणार्‍यांसाठी.
- आता या (कुरआन) नंतर इतर कोणती वाणी अशी असू शकते जिच्यावर हे श्रद्धा ठेवतील?